Թուրքիան համակարգեր է մշակում, որոնք իբր կփոխարինեն Ս-400-ին և Patriot-ին

2022 թվականին Թուրքիան նոր մշակումներ կներկայացնի ՀՕՊ համակարգերի նախագծերի շրջանակներում։ Հեռանկարային համալիրները կկարողանան փոխարինել ռուսական Ս-400 «Տրիումֆ»-ին և ամերիկյան Patriot-ին։ Այս մասին հայտնում է Sabah թերթը։

Նշվում է, որ 2022 թվականին նոր զարգացումներ կլինեն HİSAR և SİPER զենիթահրթիռային համակարգերի ստեղծման նախագծերի շրջանակներում։ Արդեն փորձարկվել են HİSAR A + և HİSAR O + համակարգերը:

«Այսպիսով՝ Թուրքիան մեկ քայլ կմոտենա SİPER ՀՕՊ համակարգին, որը հանդես կգա որպես Ս-400-ի և Patriot-ի այլընտրանք»,- գրում է Sabah-ը։

Հակաօդային պաշտպանության համակարգի շահագործումը նախատեսվում է սկսել 2023 թվականին։