ՀԵՏՔ. Պետք է պատժվեն նաեւ հովանավորները

Երեկ սկսվել է մանկապղծության մեջ մեղադրվող գործարար Սերոբ Տեր-Պողոսյանի դատավարությունը:

Տարիներ շարունակ նրա գործունեության մասին տեղեկություններ ունենալով` Ալավերդու ոստիկանությունը ոչինչ չի արել: Չի արել, որովհետեւ ոստիկանությանը Սերոբ Տեր-Պողոսյանը պարբերաբար վճարել է:

Պետք է քննության առարկա դառնա այն հանգամանքը, թե ինչպես է նա դարձել ոստիկանության հասարակական խորհրդի անդամ եւ վարչապետի խորհրդական, ովքեր են նրան առաջադրել այդ պաշտոններում, եւ որքան գունար եւ ում է վճարել դրա համար Սերոբ Տեր-Պողոսյանը:

Աշխատանքից պետք է հեռացվեն Ախթալայի այն դպրոցների տնօրենները, ովքեր տեղյակ էին կատարվածին եւ ոչինչ չէին ձեռնարկում, քանի որ նրանց էլ գործարարը նվերներ էր արել:

Ս. Տեր-Պողոսյանի թիկնապահները, ովքեր ապահովում էին նրա անվտանգ սեքսը, նույնպես պետք է կանգնեն դատարանի առաջ:

Իսկ դատարան ներկայացված նյութերից չի երեւում, որ այս ուղղությամբ նախաքննական մարմինն ինչ-որ բան է արել: