կարևոր
1807 դիտում, 1 ամիս առաջ - 2024-04-16 13:23
Քաղաքական

Ցեղասպանությունները կանխելու համար ցեղասպանները պետք է պատժվեն․ Արթուր Խաչատրյան

Պետք է դատապարտվեն ցեղասպանությունները։ Ցեղասպանության ենթարկված անձինք և ժողովուրդները պետք է դրա դիմաց փոխհատուցում ստանան՝ ցեղասպանությունը կանխելու համար, ցեղասպանությունները որևէ տեղ էլ եղած լինեն։ Այս մասին ելույթում ասաց «Հայաստան» խմբակցության պատգամավոր Արթուր Խաչատրյանը։ 

ԱԺ արտահերթ նիստի օրակարգում՝ ՔՊ-ական պատգամավոր Ռուստամ Բաքոյանի ներկայացրած՝ «ՀՀ տոների և հիշատակի օրերի մասին օրենքում» լրացում կատարելու մասին օրենքի նախագիծն առաջին ընթերցմամբ ընդունելու մասին հարցն էր։ Նախագիծն առաջարկում է հայկական օրացույցում 2014 թ Իրաքի հյուսիսային Սինջար շրջանում ցեղասպանության ենթարկված եզդիների հիշատակի օր սահմանել օգոստոսի 3-ը։ 

Ընդդիմադիր պատգամավորն ընդգծեց, որ այո՛, պետք է հիշենք, որ եզդի ժողովուրդը հայ ժողովրդին ուս-ուսի տված կռվել է ոչ միայն առաջին Հանրապետության օրերին, այլ նաև այն, որ հազարվոր եզդիներ մասնակցել են Արցախյան առաջին պատերազմին, Ապրիլյան և 44-օրյա պատերազմների ժամանակ։