Մարդու մահով քրիստոնյան չի ուրախանում

Մարդու մահով քրիստոնյան երբեք չի ուրախանում, այլ խորհում է Աստծո եւ մարդկանց առջեւ ծանր պատասխանատվության մասին, հույս տածում ու աշխատում, որ ցանկացած իրադարձությունը կհանգեցնի ոչ թե ատելության աճի, այլ խաղաղության: Այսօր Ուսամա բեն Լադենի սպանության կապակցությամբ այսպիսի մեկնաբանություն է արել Վատիկանի կնիքի ծառայության ղեկավար, քահանա Ֆեդերիկո Լոմբարդին:

«Ուսամա բեն Լադենը, ինչպես բոլորս գիտենք, մարդկանց միջեւ ատելության ու թշնամանքի սերմանման ծանր պատասխանատվություն էր կրում` Աստծո բազմաթիվ զավակների մահվան պատճառ դառնալով եւ այդ նպատակով կրոնն օգտագործելով»,- հավելել է նա:

Վատիկանի «Ֆիդես» տեղեկատվական գործակալությունը հայտնել է, որ ահաբեկչի սպանությունից հետո, Պակիստանի խոշոր քաղաքներում անվտանգության նկատառումներով փակվել են քրիստոնեական դպրոցներն ու տաճարները: Դրանց առջեւ ոստիկանները հսկողություն են սահմանել: