Չավուշօղլուն չարաշահել է պաշտոնեական դիրքը

ԵԽԽՎ-ում Հայաստանի պատվիրակները օրակարգը ստանալուն պես հենց առաջին օրը գրանցվել էին` ելույթ ունեցողներին հարցեր ուղղելու համար. անդրադառնալով Թուրքիայի վարչապետ Էրդողանին հարցեր ուղղելու հնարավորությունից հայ պատվիրակներին զրկելու փաստին` ասաց ԵԽԽՎ-ում հայաստանյան պատվիրակության անդամ Զարուհի Փոստանջյանը:

«Չավուշօղլուն, չարաշահելով պաշտոնեական դիրքը, հանձնարարել էր քարտուղարությանը, որպեսզի փոխեին հերթականությունը: Հնարավորություն չեղավ Էրդողանին հարց ուղղել, դա արվել էր դիտավորյալ»,- նշեց նա:

Հայկական պավիրակությունը նամակ է  գրել` խնդրելով հարցերի հերթականության խախտման համար տալ պաշտոնական պարզաբանում: Ստացված պատասխանում Չավուշօղլուի արարքն արդարացվում է: «Նրանք հղում էին արել մի կետի, որն ինչ-որ տեղ հնարավորություն կարող է տալ Չավուշօղլուին փոխել հարցերի հերթականությունը, բայց, իհարկե, բոլորս հասկանում ենք, որ դա ոչ թե կանոնակարգի կերպին համապատասխան է եղել, այլ նա չարաշահել է իր պաշտոնեական դիրքը»,- ասաց Զ. Փոստանջյանը:

Նա նշեց, որ ԵԽԽՎ հայկական պատվիրակությունը դեռեւս 2010-ին պետք է «ոտքի կանգներ եւ դեմ արտահայտվեր» Մեւլութ Չավուշօղլուին, սակայն «մեր պատվիրակության անդամներից որևէ մեկն իր բողոքի ձայնը բարձրացնելու հնարավորություն չունեցավ»: