Բելառուսում սուգ է հայտարարվել

Մինսկի մետրոպոլիտենի «Օկտյաբրսկայա» կայարանում երեկ երեկոյան տեղի ունեցած պայթյունի հետևանքով զոհվել է 12, վիրավորվել` 149 մարդ. տեղեկացնում է «Նովոստի» գործակալությունը:

Բելառուսի գլխավոր դատախազությունը կատարվածը որակել է որպես ահաբեկչություն, իսկ երկրի նախագահ Ալեքսանդր Լուկաշենկոն արտակարգ խորհրդակցության ժամանակ հայտարարել է, որ պայթյունը կարող էին իրականացնել ինչպես «դրսի, այնպես էլ ներսի ուժերը»։

Նախագահը հրամայել է ամեն ինչ անել «այդ հրեշներին» գտնելու համար:

Բելառուսի քննչական մարմինները պարզել են հնարավոր ահաբեկչին, նրա նկատմամբ հետախուզում է հայտարարվել։

Բելառուսում ապրիլի 13–ը  հայտարարվել է սգո օր: