Իտալիայում համազգային սուգ է հայտարարվել

Իտալիայում համազգային սուգ է հայտարարվել: Հոկտեմբերի 3-ի գիշերը Իտալիայի Լամպեդուզա կղզուց 1 կմ հեռավորության վրա այրվել ու խորտակվել է 500 աֆրիկացի գաղթականներ տեղափոխող նավը:

133 մարդ զոհվել է, ավելի քան 200 հոգի անհայտ կորած են համարվում: Այս մասին տեղեկացնում է Lenta.ru-ն՝ հղում անելով France-Press գործակալությանը: Վերջին տվյալներով` փրկարարներին եւ սահմանապահներին հաջողվել է փրկել 150 մարդու կյանք:

Նավում հրդեհը բռնկվել է  հենց աֆրիկացիների պատճառով. սա վարկածներից մեկն է: Նրանք փորձել են գրավել իտալացի սահմանապահների ուշադրությունը՝ տախտակամածի վրա ծածկոցներ այրելով: Իսկ երկրորդ վարկածով հրդեհի պատճառը կարճ միացումն է եղել: