Ամեն

Գույներ ու խոսք. այն, ինչ պարունակում է Արեւիկ Պետրոսյանի «Նշխարք Հայաստանից» խորագիրը կրող մանրանկարչական շարքը: Գույներ ու խոսք, որ աղոթք է պարունակում` ինքնին լինելով աղոթք:

«Նշխարք Հայաստանից»-ը 12 մանրանկարից բաղկացած Տերունական աղոթքն է, որի յուրաքանչյուր մասնիկը նկարիչը նվիրելու է հայկական գաղթօջախներից որեւէ մեկին, եւ որը նվիրված է Ցեղասպանության 100-ամյակին:

«Այստեղ ես իմ նկարչական ամբիցիաները, իմ փախած նկարչությունը չեմ դրել: 12 նկարներն ունեն միասնության գաղափար, այն իր մեջ կրում է աղոթքից հատվածաբար մասնիկներ, որոնք ընդհանուր ցուցահանդեսի պարագայում մի աղոթք են»,- ասաց Արեւիկ Պետրոսյանը:

Նշենք, որ առաջիկայում, հավանաբար` ապրիլի 22-ին, մանրանկարները կցուցադրվեն Էջմիածնում, այնուհետեւ նաեւ Երեւանի քաղաքապետարանի ցուցասրահում, որից հետո կմեկնեն ճանապարհորդության: