17-ամյա տղան ջարդել է odnoklassniki.ru-ի 57 էջ

ՀՀ ոստիկանությունը տեղեկացնում է, որ մարտի 30-ին ոստիկանության ԿՀԴՊ գլխավոր վարչության ծառայողների ձեռնարկած միջոցառումների շնորհիվ պարզվել է, որ 17-ամյա Գևորգ Խ.-ն, տիրապետելով համակարգչային եւ ծրագրավորման որոշակի հմտությունների, շուրջ մեկ ամիս առաջ ստեղծել է pokerakcia.tk և akcia.tk ինտերնետային կայքերը,  որոնց մեջ տեղադրել է www.odnoklassniki.ru կայքի կրկնօրինակը:

Այնուհետեւ www.odnoklassniki.ru կայքի Poker world club խաղի հայտարարություններ բաժնում կեղծ գովազդի միջոցով խաղացողներին հրավիրել է իր կողմից ստեղծված կայքերը: Վերջիններս, համոզված լինելով, որ բացել են www.odnoklassniki.ru կայքը, մուտք են արել իրենց անուններն ու գաղտնաբառերը:

Իսկ Գևորգ Խ.-ը որսացել է այդ տվյալները եւ  դրանք ուղարկել իր էլեկտրոնային փոստի հասցեով: Օգտագործելով նշված գաղտնաբառերը` մուտք է գործել քաղաքացիների անձնական էջերն ու իր հաշվին փոխանցել Poker world club խաղի նրանց միավորները:

Գևորգ Խ.-ն ոստիկանությանը ներկայացրել է իր անձնական օգտագործման էլեկտրոնային փոստի հասցեն, որտեղ առկա էին www.odnoklassniki.ru կայքի տարբեր մարդկանց պատկանող 57 կորտրված էջերի գաղտնաբառեր:

Կատարվում է քննություն: