Հայ գրոսմայստերը տապալում է աշխարհի ուժեղագույններին

Մոնակոյում շարունակվող Amber-ի մրցաշարի 9-րդ մրցափուլից առաջ մրցաշարային աղյուսակը գլխավորող Լևոն Արոնյանի և նրան հաջորդող Մագնուս Կառլսենի միջև միավորների տարբերությունը կես միավոր էր: Իսկ 3-րդ հորիիզոնականում գտնվող Վիշվանաթան Անանդն ու Վասիլի Իվանչուկն առաջատարից հետ էին մնում 3 միավորով:

Այժմ Արոնյանը 18 հնարավորից վաստակել է 13 միավոր և շարունակում է միանձնյա գլխավորել մրցաշարային աղյուսակը: Երկրորդ տեղում է Մագնուս Կառլսենը, ով ունի 12 միավոր: Վիշվանաթան Անանդը , Ալեքսանդր Գրիշչուկը և Վասիլի Իվանչուկը 9,5 միավորով բաժանում են 3-5-րդ տեղերը:

Նախավերջին մրցափուլում Լևոն Արոնյանը կխաղա բուլղարացի Վեսելին Տոպալովի հետ: Մյուս զույգերը կազմվել են հետևյալ կերպ. Վլադիմիր Կրամնիկ- Վասիլի Իվանչուկ, Սերգեյ Կարյակին - Հիկարի Նակամուրա, Բորիս Գելֆանդ-Անիշ Գիրի,Ալեքսանդր Գրիշչուկ- Մագնուս Կառլսեն, Վիշվանաթան Անանդ- Վուղար Հաշիմով: