ԵԱՀԿ գործող նախագահը` ՀՀ նախագահի նստավայրում

Հայաստանի նախագահ Սերժ Սարգսյանն այսօր ընդունել է ԵԱՀԿ գործող նախագահ, Լիտվայի Հանրապետության արտաքին գործերի նախարար Աուդրոնիուս Աժուբալիսի գլխավորած պատվիրակությանը. տեղեկացնում է ՀՀ նախագահի մամուլի գրասենյակը:

«Ուրախ եմ և հուսով, որ ԵԱՀԿ-ում Ձեր նախագահության ընթացքում անվտանգության և համագործակցության ապահովման ավելի մեծ արդյունքներ կարձանագրենք»,- ողջունելով Աժուբալիսին` ասել է Ս.Սարգսյանը:

Հանդիպման ընթացքում անդրադարձ է եղել մեր երկրում ընթացող ժողովրդավարական բարեփոխումներին ԵԱՀԿ կառույցների կողմից ցուցաբերվող աջակցությանը, ԵԱՀԿ Մինսկի խմբի համանախագահության ձևաչափով ԼՂ հիմնախնդրի կարգավորման գործընթացին: Այդ համատեքստում դրական են գնահատվել Սոչիի եռակողմ հանդիպման արդյունքները:

ԵԱՀԿ գործող նախագահը նշել է, որ չպետք է կանգ առնել և անհրաժեշտ է այդ դրական ելակետից շարունակել բանակցությունները: