Խանգարում են ապրել

«Բարսելոնայի» պաշտպան Խերարդ Պիկեի և հանրահայտ երգչուհի Շակիրայի հարաբերությունները, անխոս, ամենաքննարկվող թեմաներից մեկն է աշխարհում: Երկար ժամանակ զույգը թաքնվում էր պապարացիներից, սակայն վերջերս նրանք, այնուամենայնիվ, հայտնվել են ԶԼՄ-ների ուշադրության կենտրոնում:

Շակիրան և Պիկեն հայտարարել են, որ նման ուշադրությունը խանգարում է իրենց, և իրենք հրաժարվում են հրապարակավ խոսել իրենց հարաբերությունների մասին:

«Ես շատ եմ հարգում ԶԼՄ-ների ներկայացուցիչներին, սակայն չեմ ցանկանում խոսել անձնական կյանքիս մասին: Հուսով եմ, որ նրանք կհասկանան ինձ: Թող փորձեն պարզապես պատկերացնել, թե որքան դժվար է ապրել նման պայմաններում»,- ասել է Շակիրան: