Վահան Հովհաննիսյանը զգուշացնում է

Արեւելյան գործընկերության Խորհրդարանական վեհաժողովի` «Եվրանեսթի» աշխատանքները հավանաբար կմեկնարկեն մարտից` Բրյուսելում. այսօր լրագրողների հետ հանդիպման ժամանակ տեղեկացրեց «Եվրանեսթում» Հայաստանի պատվիրակության ղեկավար, ԱԺ ՀՅԴ խմբակցության ղեկավար Վահան Հովհաննիսյանը:

Նրա համոզմամբ`«Եվրանեսթը» կարող է օգտակար եւ արդյունավետ բեմ լինել, եթե Հայաստանն, իրոք, իրականացնի Արևելյան գործընկերության ծրագրերում ամրագրված բարեփոխումները, իսկ եթե իմիտացիոն քաղաքականություն վարի, ապա խնդիրներ կունենա եւ մեր գլխին պատուհաս կդառնա: «Եվրանեսթը» կդառնա պարզապես մի բեմ, որտեղ Հայաստանին կսկսեն մեղադրել բոլոր գործած և չգործած մեղքերի համար: Իհարկե, նաև չգործած մեղքերի համար, ինչպես մենք դա լսում ենք, ասենք, ԵԽԽՎ ամբիոններում»,- զգուշացրեց հայաստանյան պատվիրակության ղեկավարը: