Երևան-Վանաձոր մայրուղին դառնում է անանցանելի / ֆոտոռեպորտաժ/

Այսօր` ժամը 10:15-ի սահմաններում, Վանաձոր-Սպիտակ ավտոճանապարհի 8-րդ կիլոմետրում տեղի է ունեցել ավտովթար: Ինչպես հայտնում է ֆոտոլրագրող Գագիկ Շամշյանը, միմյանց են բախվել «Մերսեդես» 07 ՏԼ 504 և «Նիսսան» 478 ՍՕ 64 համարանիշերով ավտոմեքենաները: Վթարի վայր են ժամանել ճանապարհային ոստիկանության 2-րդ գումարտակի 5-րդ վաշտի 1-ին դասակի տեսուչները և ՃՈ Լոռու մարզի հետաքննչական բաժանմունքի հետաքննիչը:

Այս պահին դեպքի վայրում իրականացվում են տեղազննման և փորձարարական աշխատանքներ: Հետաքննիչի հանձնարարականով մեքենաները պետք է տեղափոխվեն ոստիկանության Սպիտակի բաժնի տուգանային հրապարակ:

 
«Նիսսանը» վարում էր Երևանի բնակիչ Կարեն Սերգեյի Սիմոնյանը, իսկ «Մերսեդեսը»` Լոռու մարզի բնակիչ Ռոբերտ Մնացականի Գասպարյանը:

ՃՈ Լոռու մարզի հետաքննչական բաժանմունքում նյութեր են նախապատրաստվում:

Ի դեպ, թեեւ ճանապարհը բաց է, այդուհանդերձ, եղանակը անակնկալներ է մատուցում, և երթևեկել այդ հատվածում բավական դժվար է:

Տեսանյութը կարող եք դիտել այստեղ

Ֆոտոռեպորտաժը եւ տեսանյութը` Գագիկ Շամշյանի