2011-ի 61-րդ Բեռլինալեն

Այսօր մեկնարկել է 61-րդ ամենամյա Բեռլինալեն: Կինոփառատոնը բացվել է Քոեն եղբայրների` արդեն «Օսկարի» առաջադրված «Երկաթե ամրությունը» ֆիլմով, որը միայն ամերիկյան կինոշուկայում հասցրել է հավաքել 155 միլիոն դոլար:

Մրցութային մասում առաջադրված է 22 ֆիլմ: Կազմակերպվելու է նաեւ Ինգմար Բերգմանի ֆիլմերի հետահայաց ցուցադրություն, ներկայացվելու է սննդի մասին պատմող ֆիլմերից կազմված հատուկ ծրագիր, Խոդորկովսկուն նվիրված վավերագրական ֆիլմ եւ այլն:

Մրցութային գրեթե բոլոր ֆիլմերը հավակնում են «Ոսկե արջին»: Իսկ տղամարդու եւ կնոջ լավագույն դերակատարման, ինչպես նաեւ լավագույն ռեժիսուրայի համար տրվող «Արծաթե արջի» համար այս տարի պայքարելու են կինոաշխարհի առաջատարները:

Կինոփառատոնը տեւելու է մինչեւ փետրվարի 20-ը: