Երկու տարուց Իրանը միջուկային զենք կունենա

Լոնդոնի ռազմավարական հետազոտությունների միջազգային ինստիտուտը հրապարակել է Իրանի միջուկային ծրագրի մասին զեկույց, որում նշված կանխանշաններից ելնելով` մեծ հավանականությամբ կարելի է հաստատել, որ Իրանը պատրաստվում է միջուկային զենք արտադրել, եթե երկրի իշխանությունները նման հրաման տան:

Սակայն Իրանը պնդում է, որ իր միջուկային ծրագիրը բացառապես խաղաղ բնույթ ունի:

Զեկույցում ներկայացված է զենքի ստեղծման երկու սցենար. դրանցից մեկի համաձայն` դա տեղի կունենա մեկ տարուց, մյուսի համաձայն` 2-ից մի քիչ ավելի: Բրիտանացի փորձագետները նաեւ նշում են, որ Իրանի ցածրհարստացված ուրանի պաշարները բավարար են 1 կամ 2 միջուկային զենք ստեղծելու համար. տեղեկացնում է «Ամերիկայի ձայնը»: