Ընդամենը թարմացրել են ավտոպարկը

ԼՂՀ փոխվարչապետ, ֆինանսների նախարար Սպարտակ Թեւոսյանը՝  ի պատասխան լրագրողների՝  համաշխարհային ֆինանսատնտեսականճգնաժամի պայմաններում պետական համակարգում ծառայողական մեքենաների առատության մասին հարցին, պատասխանել է`

«Մենք ընդամենը թարմացրել ենք մեր ավտոպարկը»:

Ֆինանսների նախարարի խոսքերով, ծառայողական մեքենաների թիվը շուրջ 500 է, որից վերջին տարիներին 30-50-նն է ձեռք բերվել: Վերջինտարիներին ավտոմեքենաների ձեռքբերումը, ըստ նախարարի, պայմանավորված էր հների դուրսգրմամբ, որոնց պահպանման ծախսերն ավելի շատեն, քան նոր մեքենաների ձեռքբերմանը:

Ծառայողական մեքենաների տարեկան ծախսը կազմում է շուրջ 550 մլն դրամ:

Իսկ թե որ ընկերությունում են ապահովագրվել նշված մեքենաները եւ ինչքան գումար է հատկացվել այդ նպատակով, Սպարտակ Թեւոսյանը տեղեկացրեց, որ հատուկ ընտրված ընկերություն չկա, ով որտեղ ուզում է ապահովագրում է: Յուրաքանչյուր մեքենայի համար կա սահմանված գումար՝ 30-50 հազար դրամի չափով:

Անդրադառնալով ԱՊՊԱ-ի գործընթացին, փոխվարչապետը տեղեկացրել է, որ հանրապետության 17 հազար ավտոմեքենաներից ապահովագրման ենթակա է 12-13 հազարը, որոնցից 8 հազարն արդեն ապահովագրվել են: