Պուշկինի դպրոցի ռուսական փառքը

Սովետական տարիներին նոմենկլատուրային դպրոցների շարքում լավագույններից մեկը համարվում էր Պուշկինի անվան դպրոցը: Նոմենկլատուրային լինելու պարագան ապահովում էր նաեւ դպրոցի շատ բարեկարգ վիճակը, հատկապես մյուս դպրոցների համեմատությամբ: Այսօր նույնպես լայնածավալ վերանորոգումներ են կատարվում դպրոցում: Եվ մեզ հասած տեղեկություններով դա կապված է  օտարալեզու դպրոցների մասին օրենքի ընդունման հետ, քանի որ ապագայում հնարավոր է, որ դպրոցը կրկին դառնա ռուսական :

Տեղեկությունը ճշտելու համար շտապեցինք դպրոց, և քանի որ դպրոցի տնօրենը գործուղման մեջ էր գտնվում, մեզ պատասխանեցին դպրոցի մի խումբ աշխատակիցներ, որոնք վստահեցրին, որ դպրոցի վերանորոգումը ոչ մի կապ չունի վերը նշված օրենքի հետ: Մայիսին նշվելու է դպրոցի 75 ամյակը, և վերանորոգումները կապված են հենց դրա հետ:

Գուցեեւ հենց այդպես էլ կա, սակայն վերջերս խոսվում էր, որ դպրոցը պատրաստվում է հետ բերել իր երբեմնի փառքը:  Մնում է հուսալ, որ երբեմնի փառք ասվածի տակ , չի հասկացվում երբեմնի  ռուսական դպրոցի վերադարձը: Ի դեպ դպրոցում երեխաներից շատերն իրար հետ շփվում էին ռուսերենով: