Համավճարի համակարգ` բոլորի համար

2010-ի հուլիսի 1-ից «Արաբկիր» ԲԿ-ում փորձնական կիրառվեց համավճարի համակարգը, դեկտեմբերի 1-ից այն ներդրվեց նաեւ «Նաիրի» ԲԿ-ում եւ Մալայանի անվան ակնաբուժական կենտրոնում: Այս տարվանից համավճարի համակարգը կներդրվի արդեն հանրապետության բոլոր բժշկական կենտրոններում: Առողջապահության նախարարությունն այդ կերպ փորձում է կանխել բուժհաստատություններում առկա ստվերային երեւույթները: Այսինքն, անմիջականորեն բժշկին «շնորհակալություն» հայտնելու փոխարեն հիվանդները պետք է հաստատագրված գումար վճարեն: 0-7 տարեկան երեխաների համար, սակայն, համավճարի համակարգը չի գործի. տարիքային այդ խմբի երեխաները կբուժվեն պետպատվերով: Համավճարի համակարգը չի կիրառվի նաեւ հաշմանդամների, Հայրենական պատերազմի մասնակիցների եւ հասարակության խոցելի մի քանի այլ խմբերի համար: