Ֆրանսիացիներն աշխարհի ամենահոռետեսներն են

«Գելափ» ընկերության կողմից անցկացրած «Հույս և հուսահատություն» հարցումների արդյունքում պարզվել է, որ տնտեսական հավասարակշռության փոփոխություններն ազդում են նաեւ մարդու հոգեկան վիճակի վրա:

Ընկերության  կատարած հետազոտության արդյունքում Ֆրանսիան ամենահոռետես պետությունն է ճանաչվել: Նրան հաջորդում են Իսլանդիան, Ռումինիան, Սերբիան եւ Անգլիան: Հարցումներն անցկացվել են 53  երկրների շրջանում:

Հետազոտության ամենազարմացնող արդյունքն այն է, որ Նիգերիան 2011 –ի հետ ավելի շատ հույսեր է կապում, իսկ աֆղաններն էլ այս տարի ամերիկացիներից ավելի շատ բան են ակնկալում:

Հարցումները զարմացրել են նաեւ ֆրանսիական լրատվամիջոցներին: Օրինակ Le Parisien թերթը գրել է. «Չնայած հարվածներին, աղքատությանն ու անելանելի վիճակին` նիգերիացիներն ապագայի հանդեպ մեզնից ավելի լավատես են»:

Լավատես Նիգերիային հաջորդում են Վիետնամը, Բրազիլիան, Չինաստանը եւ Կոսովոն: Իսկ Վիետնամի լավատեսությունը պայմանավորված է 2010-ի ընթացքում ունեցած  7 տոկոսանոց տնտեսական աճով: