Պուտինի տան նոր անդամը անուն ունի

Նոյեմբեր ամսվա կեսերին Ռուսաստանի վարչապետի պաշտոնական վեբ-կայքում հայտարարություն էր տեղադրվել, որտեղ առաջարկվում էր Պուտինի նոր արու շան համար  անունների տարբերակներ ուղարկել:

Երեկ վարչապետը առաջարկված անուններից ընտրել է 5-ամյա Դիմա Սոկոլովի առաջարկած անունը՝ «Բաֆֆի»: «Ես շատ հավանեցի քո առաջարկած անունը»,- ասել է Պուտինը և տղային իր ստորագրությամբ ֆուտբոլի գնդակ նվիրել:

Պուտինին «Կարակաչան» ցեղատեսակի շան ձագը նվիրել էին Բուլղարիա կատարած այցելության ժամանակ: «Կարակաչան»-ը բուլղարական ցեղատեսակ է և կարող է մինչև 55 կգ մեծանալ:

Թղթակիցների այն հարցին, թե ինչպիսի հարաբերություններ ունեն «տան նոր անդամը» և Պուտինի սև լաբրադոր Կոնին, Պուտինը պատասխանել է, որ Կոնին շատ ջերմորեն է նրան ընդունել, բայց ձագուկը «անդադար քաշքշում է նրա ականջներից և պոչից»: