ԵԱՏՄ-ն մեծ հաջողություններ ունի. ԵԱՏՄ կոլեգիայի անդամը խոսել է նաև Հայաստանի մասին

ԵԱՏՄ  կոլեգիայի անդամ, Միության ինտեգրացիոն ու մակրոտնտեսական հարցերով նախարար Տատյանա Վալովայան ԵԱՏՄ ստեղծման համաձայնագրի կնքման 5-ամյակին ընդառաջ հարցազրույց է տվել Международная жизнь  ամսագրին, որում խոսել է նաև միության հաջողությունների մասին:

Ըստ նրա` միությանն անդամակցելը տնտեսական մեծ առավելություններ է տալիս անդամ պետություններին: Որպես օրինակ` նա նշել է Հայաստանն ու Ղրղզստանը:

«Ռուսաստանը, Բելառուսն ու Ղազախստանը դեպի ԵԱՏՄ են եկել քայլ առ քայլ. 2010-ին  ստեղծվեց Մաքսային միությունը, հետո ևս մեկ տնտեսական հարթություն, իսկ հետո՝ ԵԱՏՄ-ն, ինչը նշանակում է, որ ինտեգրման  էֆեկտը  բաշխված էր բավական երկար ձգված ժամանակահատվածի վրա: Իսկ  Հայաստանն ու Ղրղզստանը մի ակնթարթում ԱՊՀ շրջանակում ազատ առևտրի ռեժիմից անցում կատարեցին լիարժեք տնտեսական միության: Եվ մենք տեսանք՝ ինչ ահռելի ազդեցություն է ունենում ինտեգրումը: Մենք արդեն երբեմն դա չենք գիտակցում, սակայն վերլուծությունը ցույց է տվել, որ ԵԱՏՄ-ին անդամակցելը տնտեսական մեծ արդյունք է ապահովում»,- նշել է պաշտոնյան: