Հարվածներ են հասցվել Ուկրաինայի ռազմական նշանակության օբյեկտներին. ՌԴ ՊՆ

Ռուսաստանի պաշտպանության նախարարությունը հայտնել է ռազմական օբյեկտներին հասցված հարվածների մասին։

«Կիևի և Նիկոլաևի մարզերում խոցվել են Ուկրաինայի զինված ուժերի համար նախատեսված գույքով բեռնված լոգիստիկ կենտրոններ։ Օդեսայի մարզում հարված է հասցվել ծանրաքաշ տեխնիկայի կուտակման վայրին։

«Չեռնոմորսկ» նավահանգստում ոչնչացվել է ռազմական նշանակության տեխնիկական գույք տեղափոխող չորաբեռն նավ։ Սև ծովի՝ Օդեսայից արևելք ընկած հատվածում խոցվել են ևս մեկ չորաբեռն նավ և տանկեր, որոնք, ըստ ՌԴ ՊՆ-ի, տեղափոխում էին անօդաչու թռչող սարքերի համար նախատեսված բաղադրիչներ, զինամթերք և վառելիք՝ Ուկրաինայի զինված ուժերի համար»,-ասված է ՌԴ ՊՆ-ի հաղորդագրության մեջ։