Անհնար է ռուսական էներգետիկ ռեսուրսները փոխարինել այլ էներգետիկ ռեսուրսներով․ ռուս փորձագետ

«Անհնար է ռուսական էներգետիկ ռեսուրսները փոխարինել այլ էներգետիկ ռեսուրսներով»,-այս մասին լրագրողների հետ զրույցում ասաց ռուս փորձագետը։

«Թուրքիան, որը տարածաշրջանի հարևան երկիր է, կարող է ապահովել իր սեփական էներգիայի միայն 10%-ը: Այն էներգիա է գնում ուրիշներից, այդ թվում Ռուսաստանից՝ «Թուրքական հոսք» և «Կապույտ հոսք» խողովակաշարերի միջոցով: Գործնականում անհնար է պատկերացնել, որ օրինակ Թուրքիան կարող է Հայաստանին մատակարարել էներգետիկ ռեսուրսներ: Եվ եթե դա տեղի ունենա, դա կլինի ռուսական գնից մի քանի անգամ բարձր գնով, որն արդեն իսկ ցածր է շուկայական գնից՝ Հայաստանի հետ մեր դաշնակցային հարաբերությունների շնորհիվ»,-ասաց ռուս փորձագետը։

Ադրբեջանից էներգետիկ ռեսուրսներ ներմուծելու հարցին ի պատասխան նա նշեց․ «Նախ, եթե Հայաստանը ցանկանում է դառնալ Ադրբեջանի մաս, ապա դա, հավանաբար, Հայաստանի ընտրությունն է։ Ռուսաստանը, ինչպես գիտենք, չի միջամտում։ Ռուսաստանը չի միջամտում Հայաստանի ներքին գործերին։ Սա հայ ժողովրդի և Հայաստանի ընտրությունն է։ Սակայն այստեղ կան ռիսկեր՝ թե՛ աշխարհաքաղաքական, թե՛ աշխարհաքաղաքական ուժերի հավասարակշռության և տարածաշրջանում փոխազդեցության փոփոխություններ առումով։  Փոքր երկրի ոչ շատ մեծ տնտեսությունը կարող է արագ կլանվել և ենթարկվել արտաքին ազդեցության»,-նշեց նա։

Նշենք, որ մեկնարկել է  «Հարավային Կովկասի էներգետիկ անվտանգությունը. Հայաստանի ընտրությունը» թեմայով համաժողովը։