Ընտրախախտումների այն ռեսուրսը, որ կիրառել են, երկրորդ անգամ անելը բարդ է, չեն ուզում երկրորդ փուլ. Վարդևանյան

«Սահմանադրական դատարանում այսօր ներկայացվելու են ամփոփիչ ելույթները։ «ՈՒժեղ Հայաստան» կուսակցությունների դաշինքը առաջինն է ներկայացնելու։ Այնուհետև, մյուս դիմողները, որից հետո մյուս դիմողները, ապա հարակից պատասխանողները, 3-րդ անձը, ապա պատասխանող կողմը»,-ՍԴ դիմաց հայտարարեց «Ուժեղ Հայաստան» կուսակցության անդամ,փաստաբան Արամ Վարդևանյանը։

 «Այսօրվա նիստը դրանով ավարտվելու է և ՍԴ-ն հեռանալու է խորհրդակցական սենյակ, իսկ որոշումը պետք է լինի հուլիսի 4-ին առավելագույնը»։

Դիտարկմանը, թե ՔՊ ներկայացուցիչները պնդում են, որ այս դիմումները ՍԴ անհեռանկար են՝ նա նշեց, որ իրենք այլ բան չէին էլ կարող ասել։

 «Չնայած մեր որոշ հայրենակիցներ ունեին պատկերացում, որ իրենք հնարավոր է պահանջեն, որ ընտրության արդյունքը անվավեր ճանաչվի։ Թե ինչու չեն ցանկանում, որ ընտրության արդյունքները անվավեր ճանաչվեն՝ պատասխանը հստակ է, որ այն ռեսուրսը ընտրախախտումների, որ իրացվել է կրկնակի իրացման դժվարություններ է ունենալու։ Ռեսուրսը որպես այդպիսին սառվող է»։