Պենտագոնի պահանջած 200 միլիարդ դոլարը միայն այսբերգի գագաթն է. Աբբաս Արաղչի

Պենտագոնի պահանջած 200 միլիարդ դոլարը միայն այսբերգի գագաթն է: Այս մասին X-ի իր էջում գրել է Իրանի ԱԳ նախարար Աբբաս Արաղչին:

«Այս 200 միլիարդ դոլարը միայն այսբերգի գագաթն է։ Սովորական ամերիկացիները կարող են շնորհակալություն հայտնել Բենիամին Նեթանյահուին և Կոնգրեսում նրա կամակատարներին՝ տրիլիոնավոր դոլարների հասնող «Իսրայելն առաջնահերթ է» հարկի համար, որը պատրաստվում է հարվածել ԱՄՆ-ի տնտեսությանը»,- գրել է Արաղչին։

Նշենք, որ ավելի վաղ Washington Post-ը հայտնել էր, որ Պենտագոնը Սպիտակ տնից խնդրել է Կոնգրեսի կողմից հաստատել լրացուցիչ ֆինանսավորում Իրանի հետ կապված ռազմական գործողությունների համար՝ ավելի քան 200 միլիարդ դոլարի չափով։