Տարվա սկզբից ի վեր Հայաստանում ճանապարհատրանսպորտային պատահարներից մահացել է 226 մարդ

Այս տարվա հունվարի 1-ից մինչև հոկտեմբերի 25-ը Հայաստանում գրանցվել է 3773 պատահար։ Այդ պատահարների հետևանքով զոհվել է 226 մարդ, իսկ վիրավորվել՝ 5639-ը։ Այս մասին հայտնել է ՀՀ Ներքին գործերի նախարարությունը՝ ի պատասխան «Armenian News»-ի թղթակցի հարցման։

2022 թվականին երկրում տեղի է ունեցել 4308 ճանապարհատրանսպորտային պատահար, որոնց հետևանքով զոհվել է 321 մարդ, վիրավորվել՝ 6153-ը։

2023 թվականին գրանցվել է 4613 ճանապարհատրանսպորտային պատահար, որոնց հետևանքով զոհվել է 378 մարդ, վիրավորվել՝ 6537-ը։

2024 թվականին տեղի է ունեցել 4314 ճանապարհատրանսպորտային պատահար, որոնց հետևանքով զոհվել է 333 մարդ, վիրավորվել՝ 6116-ը։