Սպшնությունների քանակական աճին զուգահեռ, փոխվել է նաև դրանց որակը. փաստաբան

Փաստաբան Վահան Հովհաննիսյանը գրում է.

«Սպանությունների քանակական աճին զուգահեռ, փոխվել է նաև դրանց որակը։

Բազմաթիվ խորքային ու իրական պատճառներ են նշվում՝ իրավապահ համակարգի գործառութային պարտականությունների շեղումից, մինչև բռնություն քարոզող ֆիլմեր և այլն։

Իսկ ով պետք է կանխեր այդ հանցանքները։ Որն է այն գիտությունը, որը տալիս է հանցանքների կանխարգելմանն ուղղված բոլոր հարցերի պատասխանները։

Եթե մեր իրավապահները մուտք գործեն համացանցային որոնողական հարթակներ և տան այս հարցը, ապա կստանան հետևյալ պատասխանը․

ՔՐԵԱԲԱՆՈՒԹՅՈՒՆԸ գիտություն է, որն ուսումնասիրում է․

ա/ հանցագործությունների պատճառները,

բ/ զարգացման օրինաչափությունները,

գ/ հանցագործությունների կանխարգելման միջոցները,

դ/ անցավոր վարքի սոցիալական ու հոգեբանական հիմքերը։

ՔՐԵԱԲԱՆԸ փորձում է հասկանալ․

ա/ ինչու են մարդիկ հանցագործություն կատարում,

բ/ ինչպիսի պայմաններ են նպաստում հանցավորության աճին կամ նվազմանը,

գ/ ինչպես կարելի է կանխել հանցագործությունները և վերականգնել հասարակական արդարությունը։

Պարզվում է կա մեր իշխանությանն անծանոթ մի հրաշք մասնագիտություն։

Իսկ հիմա հարց․ Հայաստանում կա արդյոք մի կառույց, որը զբաղվում է քրեաբանությամբ, կա արդյոք Հայաստանում քրեաբան գիտնական։

Եթե ոչ, ապա ով է այն մասնագետը՝ ով վերլուծություններ է կատարելու հանցագործությունների կանխման բնագավառում։

Եթե ոչ, ապա ինչպես եք կանխարգելելու սպանությունները ձեր դիլետանտական մակարդակի դատողություններով»։