Կամ մեղադրական վերդիկտը ստորագրել եկել էր, կամ՝ գնաց ստորագրելու․ Միքայել Սրբազանի փաստաբանը՝ դատավոր Մելիքսեթյանի մասին

«Առաջարկեցի՝ չանել ժամավաճառություն, որովհետև անընդհատ նույն կերպ հակադարձելով պաշտպանության կողմի ներկայացրած փաստարկներին և ապացույցներին, իրականում ժամեր են կորում։Եվ իրենք առհասարակ վրդովվում են մեր խոսքից՝ մոռանալով, որ իրենք պետություն են ներկայացնում, այսինքն՝ հանրային իշխանության ներկայացուցիչ են և պետության կողմից են մեղադրանքն առաջադրել։ Դատավորն էլ իր հերթին որպես արդարադատություն իրականացնող մարմին «խառնվել» է։ Տպավորություն է,որ իրենք պաշտպանվում են փաստաբանների ասածներից։Մինչդեռ իրենք իրենց  սահմանադրական գործառույթները պիտի կատարեն և օրենքի շրջանակներում»,- լրագրողների հետ զրույցում հայտարարեց փաստաբան Մարինե Ֆարմանյանը։

Միքայել Սրբազանի պաշտպանը նշեց, որ արդարադատության իրականացման շրջանակում կատարվող  այս ապօրինի գործընթացում չկա արդարություն և չկա արդարադատություն։

«Դատավոր Արմինե Մելիքսեթյանը արդար դատավոր չէ, պատշաճ դատարան չէ, և նրանից արդարադատություն պահանջելն այլևս իրատեսական չէ։ Այսօր նրա կողմից կայացված այս խիստ ապօրինի որոշումները վկայում են մի բանի մասին՝ կա՛մ մեղադրական վերդիկտն արդեն ստորագրել, եկել էր, կա՛մ հիմա գնաց ստորագրելու»,- ասաց դատավորը։

Նշենք, որ դատարանն այսօր ավարտեց 10 օր առաջ սկսված գործի քննությունը։ Հաջորդ դատական նիստին՝ օգոստոսի 28–ին, կողմերը հանդես կգան ելույթներով։

Ավելին՝ տեսանյութում: