Շենքերի ցանկ եմ ուղարկել կառավարություն, եթե չեն ուզում անօթևանների հարցը լուծեն, ուրեմն աղմուկը կլսեն․ Գյումրու քաղաքապետ

Գյումրիի քաղաքապետ Վարդան Ղուկասյանը մամուլի ասուլիսում նշել է, որ 37 տարի անց երկրաշարժից՝ հազարավոր ընտանիքներ շարունակում են ապրել տնակներում։ Նա ընդգծել է, որ իր ղեկավարության օրոք կառուցվել է 17,000 բնակարան, մինչդեռ վերջին 13 տարիներին քաղաքում ոչ մի նոր շենք չի կառուցվել։

Ղուկասյանը հայտնել է, որ գրություն է ուղարկել վարչապետին՝ ներկայացնելով մոտ 10 շենքերի ցանկ, որոնք կարելի է վերանորոգել և հատկացնել անօթևաններին՝ առանց նոր շինարարության բարձր ծախսերի։ Նա քննադատել է պետական մարմիններին՝ նշելով, որ որոշ շենքեր թողնվել են թալանի ու կործանման, մինչդեռ հնարավոր է արագ միջոցներ ձեռնարկել և լուծել բնակարանային խնդիրը։

Մանրամասն՝ տեսանյութում։