ՀՅԴ Լիբանանի ուսանողական, երիտասարդական և պատանեկան կառույցների պահանջատիրական հավաքը՝ թուրքական դեսպանատան մոտ

Ապրիլի 24-ին ՀՅԴ Լիբանանի «Զավարյան» ուսանողական միության, ՀՅԴ Լիբանանի Երիտասարդական Միության և ՀՅԴ Լիբանանի պատանեկան միությունների կողմից Լիբանանում թուրքական դեսպանատան դիմաց պահանջատիրական հավաք է կազմակերպվել։ Հավաքի ընթացքում հայերենով, արաբերենով և անգլերենով կոչեր են հնչել, ապա՝ հարյուրավոր երիտասարդներ ու պատանիներ պայքարի հետևյալ կարգախոսներն են հղել․ «Ճանաչումն արդարության առաջին քայլն է», «Հիշե՛լ, հիշեցնե՛լ ու պահանջե՛լ», «Ցեղասպանությունը հերքելը ոճիր է»։

Հավաքն ավարտվել է ազգային-հեղափոխական երգերով ու թուրքական դրոշն այրելով։ Չնայած մեծաթիվ ոստիկանների, բախումներ տեղի չեն ունեցել։
․․․․․

Երեկոյան լիբանանահայ ուսանողական, երիտասարդական և պատանեկան միությունների մասնակցությամբ տեղի ունեցավ միջերիտասարդական հսկում Պիքֆայայի դպրեվանքի շրջաբակում։ Բացումը մեկնարկեց աղոթքով, որից հետո ներկաներն ամփոփ հայտագրով Հայոց ցեղասպանության նահատակների հիշատակին նվիրված կարգ կատարեցին։ Հսկումը փակվեց «Սարդարապատ» հաղթերգով։