ՀՕՊ-ը գիշերվա ընթացքում 40 ԱԹՍ է խոցել Ռուսաստանի տարածքում․ ՊՆ

Ռուսական հակաօդային պաշտպանության համակարգերն այս գիշեր 40 ուկրաինական անօդաչու թռչող սարք են խոցել Ռուսաստանի տարածքում։ Այս մասին հայտնում է ՌԴ պաշտպանության նախարարությունը։

«ՀՕՊ հերթապահ միջոցները որսացել և ոչնչացրել են 40 ուկրաինական ԱԹՍ, 18–ը՝ Սարատովի մարզի տարածքում, 13–ը՝ Ռոստովի մարզի տարածքում, 6-ը՝ Բրյանսկի մարզի տարածքում, 2-ը՝ Վոլգոգրադի մարզի տարածքում, 1-ը՝ Բելգորոդի մարզի տարածքում», - ասված է հաղորդագրությունում։

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։