ՀՕՊ-ը գիշերվա ընթացքում 46 ԱԹՍ է խոցել Ռուսաստանի տարածքում․ ՊՆ

Ռուսական հակաօդային պաշտպանության համակարգերն այս գիշեր 46 ուկրաինական անօդաչու թռչող սարք են խոցել Ռուսաստանի տարածքում։ Տեղեկությունը հայտնում է ՌԴ պաշտպանության նախարարությունը։

«ՀՕՊ հերթապահ միջոցները որսացել և ոչնչացրել են 46 ուկրաինական ԱԹՍ, 18-ը` Բրյանսկի մարզի տարածքում, 11-ը` Կուրսկի, 7-ը` Կալուգայի, 5-ը` Տուլայի, 3-ը` Բելգորոդի, 2-ը` Վորոնեժի մարզի տարածքում», - ասված է հաղորդագրությունում։

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։