Կարևոր է հայ համայնքի մասնակցությունը երկրի վերականգնմանը. Լիբանանի նախագահը՝ Արամ Ա-ին

Լիբանանի նախագահ Ժոզեֆ Աունը կարևորում է հայ համայնքի մասնակցությունը երկրի վերականգնման գործում: Այս մասին նա ասել է Մեծի Տանն Կիլիկիո կաթողիկոս Արամ Առաջինի հետ հանդիպման ժամանակ, հաղորդում է կաթողիկոսարանի մամուլի ծառայությունը։

Արամ Ա-ն իր հերթին նշել է, որ Աունի ընտրությամբ Լիբանանի պատմության մեջ նոր գլուխ է բացվում:

Հայոց կաթողիկոսն առանձնացրել է նախագահի երդմնակալության խոսքը՝ նշելով, որ դրանում արտացոլված է «իմաստուն և արի» վերաբերմունքը, որը հույս է ներշնչել ժողովրդին:

«Լիբանանի համար այս դժվարին ժամանակներում նախագահի ջանքերը պետք է դիտարկել որպես ազգի փրկությանն ուղղված առաքելություն», - նշել է Արամ Ա-ն:

Այնուհետև հանդիպմանը ներկաԼիբանանի խորհրդարանի պատգամավոր և Լիբանանում ՀՅԴ առաջնորդ Հակոբ Բագրատունյանն առանձնազրույց է ունեցել պետության ղեկավարի հետ: