ՌԴ երեք մարզերի երկնքում 15 ուկրաինական անօդաչու է խոցվել. ՌԴ ՊՆ

ՀՕՊ միջոցները գիշերվա ընթացքում որսացել և ոչնչացրել են 15 ուկրաինական անօդաչու ՌԴ երեք մարզի վրա։ Այս մասին հայտնում է ՌԴ ՊՆ–ն։

«Նախորդ գիշերվա ընթացքում ՀՕՊ հերթապահ միջոցները ուկրաինական 15 անօդաչու են որսացել և ոչնչացրել։ 5-ը՝ Բելգորոդի մարզի տարածքի վրա, մեկը` Բրյանսկի և 9-ը` Կրասնոդարի երկրամասի երկնքում», - ասվում է հաղորդագրության մեջ։

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։