Նոր նշանակումներ ՀՀ զինված ուժերում

Նոր նշանակումներ են տեղի ունեցել ՀՀ զինված ուժերում:

Ինչպես տեղեկանում ենք ՀՀ նախագահի կայքից, նախագահի հրամանագրով Սիմոն Նազարյանը նշանակվել է 3-րդ բանակային կորպուսի հրամանատար, իսկ Գագիկ Պողոսյանը՝ 5-րդ բանակային կորպուսի հրամանատար։ Վերջինս ազատվել է Հատուկ բանակային կորպուսի հրամանատարի տեղակալի պաշտոնից:

Հայաստանի Հանրապետության նախագահ Վահագն Խաչատուրյանի հրամանագրով՝ Ալբերտ Բաղդադյանը նշանակվել է ՀՀ ՊՆ պաշտպանական ազգային հետազոտական համալսարանի պետ։ Նա ազատվել է զինված ուժերի գլխավոր շտաբի օպերատիվ գլխավոր վարչության պետի առաջին տեղակալի պաշտոնից:

Մեկ այլ հրամանագրով՝ Ալեքսանդր Ցականյանը նշանակվել է Հայաստանի Հանրապետության զինված ուժերի գլխավոր շտաբի օպերատիվ գլխավոր վարչության պետի առաջին տեղակալ՝ ազատվելով 3-րդ բանակային կորպուսի հրամանատարի պաշտոնից: