ԱՊՀ արտաքին գործերի նախարարների խորհրդի հաջորդ նիստն կանցկացվի 2025 թ. Ղազախստանում

Մոսկվայում կայացել է ԱՊՀ անդամ երկրների արտաքին քաղաքական գերատեսչությունների ղեկավարների հանդիպումը։

Հանդիպման ժամանակ նրանք քննարկել և հաստատել են հաջորդ տարվա համար բազմաստիճան միջգերատեսչական խորհրդակցությունների պլանը:

«Նախարարները մտքեր են փոխանակել միջազգային օրակարգի արդի հարցերի շուրջ, ինչպես նաև քննարկել են ԱՊՀ ձևաչափում քաղաքական, առևտրային, տնտեսական, մշակութային և հումանիտար փոխգործակցության վիճակն ու հեռանկարները»,– ասված է հաղորդագրության մեջ:

Նշվում է, որ քննարկվել են նաև ԱՊՀ անդամ երկրների արտաքին քաղաքական գերատեսչություններին, անվտանգությանը և մշակութային և հումանիտար ոլորտին առնչվող հարցեր:

Որոշվել է ԱՊՀ արտաքին գործերի նախարարների խորհրդի հաջորդ նիստն անցկացնել 2025 թվականի ապրիլի 11–ին` Ղազախստանում։