Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Հավաքական անվտանգության պայմանագրի կազմակերպության անդամ երկրների պաշտպանության նախարարների խորհրդի հերթական նիստը կկայանա ընթացիկ տարվա հոկտեմբերին, կրկին Երևանում:
«Արմենպրես»-ի հաղորդմամբ՝ այս մասին Երևանում ՀԱՊԿ անդամ երկրների պաշտպանության նախարարների խորհրդի նիստից հետո լրագրողների հետ հանդիպմանն ասաց ՀՀ պաշտպանության նախարար Սեյրան Օհանյանը:
«Առաջարկվել է ՀԱՊԿ պաշտպանության նախարարների խորհրդի հերթական նիստն անցկացնել այս տարվա հոկտեմբերին, Երևանում: Այն կնախորդի հավաքական անվտանգության կազմակերպության անվտանգության խորհրդի նիստին»,-նշեց նախարար Օհանյանը:
Հավաքական անվտանգության պայմանագրի կազմակերպության անդամ երկրների պաշտպանության նախարարների խորհրդի նիստը կայացել է Երևանում 2016թ. օգոստոսի 16-ին: Նիստին մասնակցելու նպատակով Հայաստան են ժամանել ՀԱՊԿ անդամ պետությունների` Բելառուսի, Ղազախստանի, Ղրղըզստանի, Ռուսաստանի, Տաջիկստանի պաշտպանական գերատեսչությունների պատվիրակությունները, ՀԱՊԿ գլխավոր քարտուղար Նիկոլայ Բորդյուժան և ՀԱՊԿ Միացյալ շտաբի պետ, գեներալ-գնդապետ Անատոլի Սիդորովը: