Ֆինլանդիան Ուկրաինային կհատկացնի ռազմական օգնության 25-րդ փաթեթը

Ֆինլանդիան Ուկրաինային կտրամադրի մոտ 118 միլիոն եվրո արժողությամբ ռազմական օգնության նոր փաթեթ։ Այս մասին հայտնում է հանրապետության պաշտպանության նախարարության պաշտոնական կայքը, գրում է gazeta.ru-ն։

Հայտարարության մեջ նշվում է, որ Ուկրաինայում իրավիճակը շարունակում է «լուրջ մնալ»։ Այս ֆոնին Հելսինկին որոշեց կատարել Կիևին տրված խոստումը՝ շարունակելու աջակցությունը։

«Դա կլինի ռազմական տեխնիկայի 25-րդ մատակարարումը Ուկրաինային։ Փաթեթում ներառված սարքավորումների մոտավոր արժեքը կազմում է մոտ 118 մլն եվրո», - ընդգծել են գերատեսչությունում։ 

Հրապարակումից հետևում է, որ այս պահի դրությամբ Կիևը Հելսինկիից ստացել է 2,3 մլրդ եվրոյի օգնություն։ 

Միաժամանակ, նախարարությունը որոշել է չհստակեցնել, թե Ֆինլանդիայի ղեկավարությունն այս անգամ ինչ տեխնիկա է մատակարարելու հակամարտության գոտի։ Նույնը վերաբերում է Ուկրաինա նոր սարքավորումների տեղափոխման ժամկետներին և դրա փոխադրման եղանակներին։