Այսօր Շոլցն ու Զելենսկին կհանդիպեն Գերմանիայում

Վլադիմիր Զելենսկին և Գերմանիայի կանցլեր Օլաֆ Շոլցը սեպտեմբերի 6-ին անձնական հանդիպում կունենան Գերմանիայի Ֆրանկֆուրտ քաղաքում։ Այս մասին հայտնում է AFP գործակալությունը՝ հղում անելով իր աղբյուրին, փոխանցում է lenta.ru-ն։

«Գերմանիայի կանցլեր Օլաֆ Շոլցը և Վլադիմիր Զելենսկին կհանդիպեն ուրբաթ օրը Ֆրանկֆուրտում։ Առանձնազրույցը տեղի կունենա այն ժամանակ, երբ Ուկրաինային ռազմական աջակցություն ցուցաբերող երկրները, այդ թվում՝ ԱՄՆ-ը, հավաքվեն Գերմանիայում գտնվող ամերիկյան ավիաբազայում»,- ասվում է հաղորդագրության մեջ։

Բացի այդ, Bloomberg-ը հայտնում է, որ Ուկրաինայի դաշնակիցները ցանկանում են ուրբաթ օրը հանդիպել Գերմանիայի Ռամշտայն քաղաքում՝ քննարկելու Կիևին հետագա աջակցություն տրամադրելու մասին: