Ստամբուլում կհանդիպեն Էրդողանն ու Զելենսկին

Թուրքիայի նախագահ Ռեջեփ Թայիփ Էրդողանի գրասենյակը հաստատել է, որ հուլիսի 7-ին Ուկրաինայի նախագահ Վլադիմիր Զելենսկիի հետ հետ հանդիպում է սպասվում: Զելենսկին հուլիսի 7-ին կմեկնի Ստամբուլ՝ հանդիպելու Էրդողանի հետ:

Երկու երկրների ղեկավարների բանակցություններից հետո սպասվում է մամուլի ասուլիս։

«Վաղը սպասվում է պարոն նախագահ Թայիփ Էրդողանի հանդիպումը Ուկրաինայի նախագահ Վլադիմիր Զելենսկիի հետ։ Հանդիպումից հետո կարող է տեղի ունենալ մամուլի ասուլիս»,-այս մասին «ՌԻԱ Նովոստի»-ին հայտնել են Թուրքիայի նախագահի գրասենյակից։

Ավելի վաղ սպասվող հանդիպման մասին գրել էին լրատվամիջոցները՝ վկայակոչելով իրենց աղբյուրներին: Ըստ լրատվամիջոցների՝ Թուրքիայի և Ուկրաինայի նախագահների սպասվող հանդիպմանը կքննարկվի Ուկրաինայում տիրող իրավիճակը և «հացահատիկի գործարքը», որի ժամկետը լրանում է հուլիսի 17-ին: