Իրանի նախկին նախագահ Մահմուդ Ահմադինեժադը գրանցվել է որպես ընտրությունների հավանական թեկնածու

Մահմուդ Ահմադինեժադը երկուշաբթի օրը գրանցվել է որպես հունիսի 28-ին կայանալիք Իրանի նախագահական ընտրությունների հավանական թեկնածու, հայտնում է Mehr-ը։

Ահմադինեժադը Իրանի վեցերորդ նախագահն է եղել 2005-2013 թվականներին։

Ավելի վաղ նախընտրական պայքարի մեջ էին մտել նաև Իրանի մշակույթի ներկայիս նախարար Մոհամմադ Մեհդի Էսմայիլին և Իրանի նախկին փոխնախագահ Մասուդ Զարիբաֆանը։

Իրանում նախագահական ընտրություններին մասնակցելու գրանցման գործընթացը մեկնարկել է մայիսի 30-ին։

Իրանցի քաղաքական գործիչներ Մասուդ Պեզեշկիանը, Ալիռեզա Զաքանին, Սեյեդ Ահմադ Ռասուլինեժադը, Հաբիբոլլահ Դամարդեհը, Սեյեդ Մոհամմադ Ռեզա Միրթաջոդինին, Ֆադա-Հոսեյն Մալեքին, Զոհրե Էլահիանը և Վահիդ Հագանիանը շաբաթ օրը գրանցվել են որպես Իրանի նախագահական ընտրությունների հավանական թեկնածուներ: