Կիրանցիները ոստիկանների ուղեկցությամբ և առանց լրագրողների հետ բառ փոխանակելու մտան Կառավարության շենք

Կիրանցի բնակիչները ոստիկանների ուղեկցությամբ և  առանց լրագրողների հետ բառ փոխանակելու մտան Կառավարության շենք, որտեղ պետք է տեղի ունենա հանդիպում Նիկոլ Փաշինյանի հետ:168․am-ի փոխանցմամբ՝  նրանց ուղեկցում էին մեծ թվով ոստիկաններ: Պարզ է, որ կիրանցեցիներին հրահանգված է եղել ոչ մի բառ չփոխանակել լրագրողների հետ և ոչ մի հարցի չպատասխանել: 

«Մենք էդ սիրտը չունենք, որ ձեզ հարցազրույց տանք»,- համառ հարցերին ի պատասխան` ասաց մի տղամարդ: Նրանք նաև հրաժարվեցին պատասխանել հարցին, թե ով է որոշել Կիրանց գյուղի պատվիրակության կազմը:

Կիրանցեցիները, ոստիկաններով շրջապատված, լուռ մտան կառավարության շենք. հրահանգված էր չխոսել։