կարևոր
2365 դիտում, 1 ամիս առաջ - 2024-04-18 18:54
Աշխարհ

Նորվեգիան հրաժարվում է իր տարածքում տեղակայել ՆԱՏՕ-ի մշտական ​​զորքեր

Նորվեգիան հրաժարվում է իր տարածքում տեղակայել ՆԱՏՕ-ի մշտական ​​զորքեր

Նորվեգիան միշտ պատրաստ է պաշտպանվել զինված հակամարտության դեպքում, սակայն մտադիր չէ մշտապես հյուրընկալել ՆԱՏՕ-ի զորքերն ու միջուկային զենքերը։ Այս մասին գերմանական Welt-ին տված հարցազրույցում ասել է երկրի զինված ուժերի գլխավոր հրամանատար Էյրիկ Քրիստոֆերսենը։

«Մենք միշտ դա արել ենք: Ես միացել եմ Նորվեգիայի զինված ուժերին 1988 թվականին: Այդ ժամանակից ի վեր իմ գործը որպես զինվոր եղել է հնարավոր հակամարտության նախապատրաստվելը: Անհրաժեշտ է հուսալիորեն հետ պահել Ռուսաստանին հարձակվելուց»,- ասել է նա ի պատասխան այն հարցի, թե արդյոք ՆԱՏՕ-ին պետք է նախապատրաստվել Ռուսաստանի Դաշնության հետ զինված հակամարտությանը։

Միաժամանակ Քրիստոֆերսենն ընդգծել է, որ Նորվեգիան չի նախատեսում միջուկային զենք կամ ՆԱՏՕ-ի մշտական կոնտինգենտ տեղակայել երկրում։

«Մեզ համար բացարձակապես պարզ է, որ ապագայում Նորվեգիայում միջուկային զենք չի լինի, մենք դա չենք ունեցել «սառը պատերազմի» ժամանակ, ոչ էլ 1989 թվականից հետո», - պարզաբանել է նա: