կարևոր
1651 դիտում, 2 ամիս առաջ - 2023-11-28 17:23
Քաղաքական

Ադրբեջանական կայքը օտարերկրյա դեսպանատների միջոցով գումարնե՞ր է յուրացրել

Ադրբեջանական կայքը օտարերկրյա դեսպանատների միջոցով գումարնե՞ր է յուրացրել

2023 թվականի նոյեմբերի 28-ին ԱՄՆ-ի և Գերմանիայի գործերի ժամանակավոր հավատարմատարները, ինչպես նաև Ֆրանսիայի արտակարգ և լիազոր դեսպանն առանձին ժամանակացույցով կանչվել են Ադրբեջանի արտաքին գործերի նախարարություն,-այս մասին հատնել է գերատեսչությունը։

Հանդիպումների ժամանակ նշվել է, որ Abzas Media լրատվական պորտալը, այս երկրներում գրանցված կազմակերպությունների մասնակցությամբ, իրականացրել է անօրինական ֆինանսական գործարքներ, և այդ երկրների դեսպանատները ներգրավվել են այդ գործունեության մեջ, ինչը զայրացրել է պաշտոնական Բաքվին։

Ընդգծվել է, որ ԱՄՆ Միջազգային զարգացման գործակալությունը (USAID), FreedomNow-ը, New Democracy Fund-ը և այլ կազմակերպություններ, խախտելով դրամաշնորհների տրամադրման կանոնները, անօրինական կերպով ֆինանսական միջոցներ են փոխանցել Ադրբեջանի տարածք և անօրինական ներդրում են կատարել Abzas Media-ի գործունեության մեջ։

«Մեր երկրի տարածքում այդ երկրների դեսպանատների և կազմակերպությունների գործողություններն Ադրբեջանում գործող օրենսդրության ու դիվանագիտական հարաբերությունների մասին Վիեննայի կոնվենցիայի խախտում են։ Ադրբեջանական կողմը խստորեն դատապարտում է մեր երկրի օրենսդրությանը հակասող և երկրի ներքին գործերին միջամտելուն ուղղված այս գործողությունները և հայտնում, որ այդ փաստերի կապակցությամբ իրեն իրավունք է վերապահում ձեռնարկել համարժեք միջոցներ՝ ազգային օրենսդրությանը համապատասխան»,- նշվում է հաղորդագրության մեջ։

Հիշեցնենք, որ վերջերս Բաքվում ձերբակալվեցին Abzas Media կայքի ղեկավար Ուլվի Հասանլին և խմբագիր Սեւինջ Վագիֆգիզին։ 

Մեղադրանքը որքան է հիմնավոր՝ հայտնի չէ, սակայն ադրբեջանում գործող եզակի անկախ լրատվամիջոց Abzas Media-ն վերջին շրջանում ադրբեջանցի բարձրաստիճան մի շարք պաշտոնյաների ընտանիքների անդամներին պատկանող ընկերությունների մասին հետաքննությունների շարք էր հրապարակել, որից հետո էլ կայքի նկատմամաբ ճնշումները սկսվել են։