«Ոչ մի արյուն հանուն նավթի». ՀՅԴ երիտասարդներն ԱՄՆ-ում ակցիա են իրականացրել թուրքական և ադրբեջանական դեսպանատների դիմաց

ՀՅԴ Հայ երիտասարդաց դաշնակցության անդամները ԱՄՆ-ում փողոց են դուրս եկել` իրենց բողոքն արտահայտելու և մարդկանց տեղեկացնելու, որ Արցախի 120 հազար հայեր գտնվում են ադրբեջանական անմարդկային շրջափակման մեջ:

Լոս Անջելեսում Թուրքիայի հյուպատոսության և գլխավոր հյուպատոսի նստավայրի ու Ադրբեջանի հյուպատոսության դիմաց երիտասարդները բողոքի ցույց են կազմակերպել` «120 հազար արցախցու կյանք վաճառվել է հանուն ադրբեջանական նավթի», «Առանց Արցախ չկա խաղաղություն» և այլ գրությամբ պաստառներով:  

«30 հազար երեխա, 100 օր առանց ուտելիք, 0 աստիճան տաքություն: Դրան զուգահեռ աշխարհի մնացած մասը աչք է փակում Ադրբեջանի կողմից ցեղասպանության փորձի վրա հանուն նավթի, գումարի և քաղաքականություն», - նշվում է ԱՄՆ-ի ՀՅԴ Հայ երիտասարդաց դաշնակցության արևմտյան թևի տարածած հայտարարության մեջ: