05 05 2024
|
||
---|---|---|
EUR | ⚊ | 416.1 |
GBP | ⚊ | 486.4 |
GEL | ⚊ | 144.64 |
RUB | ⚊ | 4.23 |
USD | ⚊ | 387.32 |
Տավուշում մասնակցեցի «Հայաքվե» նախաձեռնության միջոցառմանը։ Քննարկման ընթացքում տավուշեցիներին ներկայացվեց այս նախաձեռնության առաքելությունն ու նպատակը, յուրաքանչյուր քաղաքացու մասնակցության կարևորությունը։
«ՀԱՅԱՔՎԵ»-ն քաղաքացիական-օրենսդրական նախաձեռնություն է, որն առաջարկում է քրեականացնել Հայաստանի Հանրապետության անունից Արցախն այլ պետության մաս ճանաչող ցանկացած գործողություն: Նախագծում կա ևս մեկ կետ՝ Հայոց ցեղասպանության նշանակությունը նսեմացնող գործողությունների քրեականացում։
Հանդիպմանը մասնակցում էին Տավուշի թեմի առաջնորդ Բագրատ արքեպիսկոպոս Գալստանյանը, ՀՀ ժողովրդական արտիստ Հրանտ Թոխատյանը, իսկ միջոցառման վերջում Արցախի և Շուշիի մասին երգերով հանդես եկավ սիրված երգչուհի, ՀՀ վաստակավոր արտիստ Շուշան Պետրոսյանը։
Սա հնարավորություն էր նաև քաղաքացիների համար՝ նախաձեռնության անդամներին իրենց հետաքրքրող և հուզող հարցերն ուղղելու։
Ողջունելով նախաձեռնությունը՝ կոչ եմ անում մեր քաղաքացիներին մասնակցել ստորագրահավաքին։
Գառնիկ Դանիելյան
ՀՀ ԱԺ «Հայաստան» խմբակցության պատգամավոր
ՀՅԴ Տավուշի Մարզային կոմիտեի ներկայացուցիչ