կարևոր
3505 դիտում, 1 տարի առաջ - 2023-04-05 15:42
Քաղաքական

Մկրտիչ Մարկոսյանի հիշատակին նվիրված միջոցառում Դիարբեքիրում

Մկրտիչ Մարկոսյանի հիշատակին նվիրված միջոցառում Դիարբեքիրում

Հայտնի արևմտահայ արձակագիր Մկրտիչ Մարկոսյանի հիշատակին նվիրված միջոցառում է կազմակերպվել նրա ծննդավայր Դիարբեքիրում։ Միջոցառումը նվիրված է եղել նրա մահվան առաջին տարելիցին։ Այդ մասին հայտնում է Akunq.net-ը՝ հիմնվելով «Ակօս» շաբաթաթերթի կայքէջում հրապարակված լուրի վրա։

Աղբյուրի համաձայն՝ միջոցառումը տեղի է ունեցել ապրիլի 2-ին, Դիարբեքիրի առևտրի և արդյունաբերության պալատի շենքի սրահում։

Դիարբեքիրի մշակույթի և փոխօգնության հիմնադրամի կողմից կազմակերպված սույն միջոցառման հիմնական բանախոսներն են եղել Շեյհմուս Դիքենը, Ուդի Երվանդը, Հովհաննես Գաֆուր Օհանյանը և Ահմեդ Չաքմաքը։

Ելույթ է ունեցել նաև Դիարբեքիրի առևտրի և արդյունաբերության պալատի նախագահ Մեհմեդ Քայան, ով մասնավորապես անդրադարձել է Մարկոսյանի՝ հայրենի Տիգրանակերտի հանդեպ տածած սիրուն, որը, բանախոսի հիշեցմամբ, արտացոլվել է նաև նրա գրական երկերում։

Մյուս բանախոսներն էլ պատմել են Մարկոսյանի հետ կապված իրենց հուշերն ու տպավորությունները, որից հետո հայ երաժիշտ Ուդի Երվանդի կատարմամբ կարճատև համերգ է տրվել ներկաների համար։

https://www.agos.com.tr/tr/yazi/28419/migirdic-margosyan-diyarbakir-da-anildi

Թարգմանեց Մելինե Անումյանը

Akunq.net