կարևոր
1171 դիտում, 1 ամիս առաջ - 2025-02-11 15:11
Հասարակություն

Դիարբեքիրում հայատառ քրդերեն տեքստերին նվիրված միջոցառում է կայացել

Դիարբեքիրում հայատառ քրդերեն տեքստերին նվիրված միջոցառում է կայացել

Կարոտ Սասունյան

Տիգրանակերտում (Դիարբեքիրում) փետրվարի 21-ին նշվող Մայրենի լեզվի համաշխարհային օրվա կապակցությամբ հայատառ քրդերեն տեսքտերին նվիրած մի պանելային քննարկում է տեղի ունեցել։ Միջոցառումը տեղի է ունեցել Սուրբ Կիրակոս հայկական եկեղեցում։

Պանելային քննարկմանը մասնակցել է Ստամբուլի Բիլգի համալսարանի դասախոս, պրոֆ․ Բյուլենթ Բիլմեզը, Աբդուրահման Յիղիթալփը, Արթուն Գեբենլիօղլուն, Իրֆան Չաղաթայը, Սերհաթ Բոզքուրթը և Թահիր Բաշքուշաքը։ Միջոցառմանը ներկա են եղել տիգրանակերտցի հայեր, քուրդ գրողներ և գիտնականներ ու թեմայով հետաքրքրված այլ անձինք։

Ներկայացվել է դիարբեքիրցի հայ հոգևորական Մկրտիչ Տիգրանյանի 1866 թ․ հրատարակած գիրքը, որը նախատեսված լինելով հայերենին չտիրապետող հայերի համար, գրվել է հայատառ քրդերենով։ Դիարբեքիրի քաղաքապետարանի Մշակութային և սոցիալական գործերի վարչության աջակցությամբ 4 լեզուներով պատրաստված սույն գիրքը, որը կրում է «Դիարբեքիրցի Մկրտիչ Տիգրանյանը և հայատառ քրդերեն տեսքտերով գրված «Լապտեր-Լուսատուն» (քրդերեն՝ Çirayê İröni)» վերնագիրը, դարձել է պանելային քննարկման գլխավոր թեման, որին անդրադարձել են բոլոր բանախոսները։

Screenshot

Միջոցառմանը ներկա գտնված Դիարբեքիրի փոխքաղաքապետ Դողան Հաթունը մասնակիցներին հայտնել է, որ փետրվարի 21-ին նշվող Մայրենի լեզվի օրվա կապակցությամբ Դիարբեքիրում զանազան միջոցառումներ են նախատեսվում։ Նա հավելել է, որ իրենք այդ միջոցառումների շարքն սկսել են Մկրտիչ Տիգրանյանի վերոհիշյալ գրքի շնորհանդեսով, և որ Դիարբեքիրի քաղաքապետարանը միշտ պատրաստ է աջակցել նմանատիպ միջոցառումներին։

8 փետրվարի, 2025

Տիգրանակերտ

Լուսանկարները՝ Կարոտ Սասունյանի

Թարգմանեց Մելինե Անումյանը