կարևոր
1513 դիտում, 2 ամիս առաջ - 2024-03-13 19:03
Հասարակություն

Թերի աշխատանքի պատճառով հաճախ փակված խորքային հորերը շատրվանում են․ Գառնիկ Դանիելյան

ԱԺ տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի մշտական հանձնաժողովը մարտի 13-ի նիստում երկրորդ ընթերցմամբ քննարկել է «ՀՀ ջրային օրենսգրքում լրացումներ եւ փոփոխություններ կատարելու մասին», «Վարչական իրավախախտումների վերաբերյալ ՀՀ օրենսգրքում լրացումներ և փոփոխություններ կատարելու մասին» և  «ՀՀ քրեական օրենսգրքում լրացումներ կատարելու մասին» օրենքների նախագծերի լրամշակված փաթեթը, որը ներկայացրեց ՀՀ շրջակա միջավայրի նախարարի տեղակալ Տիգրան Գաբրիելյանը:

Հիմնական զեկուցողի խոսքով՝ ակնկալվում է, որ նախագծերի ընդունմամբ կկանխվի ստորերկրյա ջրային ռեսուրսներից ապօրինի ջրօգտագործումը, այդ նպատակով հորատումը կամ լուծարված կամ կոնսերվացված հորատանցքերի վերաբացումը, ջրօգտագործման թույլտվությամբ տրված պայմանների խախտմամբ ջրառ իրականացնելը:

Ինչպես նշվեց քննարկման ժամանակ, օրենքների նախագծերի լրամշակված փաթեթը կնպաստի Սևանա լճի էկոլոգիական հավասարակշռության վիճակի բարելավմանը, լճի և դրա ջրհավաք ավազանի էկոհամակարգերի կենսաբազմազանության պահպանություն և կենսապաշարների կայուն օգտագործման բարելավմանը, սիգի կայուն զանգվածի պահպանմանը, արդյունագործական որսի իրականացմանը:

Մտքերի փոխանակության ընթացքում «Հայաստան» խմբակցության պատգամավոր Գառնիկ Դանիելյանը նշեց, որ տեսանյութեր են իրեն ուղարկում, որոնցում երևում է, թե ինչպես են հաճախ փակված խորքային հորերը շատրվանում։ Պատգամավորի գնահատմամբ՝ հիշյալ խնդրի պատճառը թերի աշխատանքն է, ինչը նշանակում է, որ այդ նպատակով հատկացված պետական միջոցները կամ հարկատուների գումարները փոշիանում են։

Մանրամասն՝ տեսանյութում։